Na hinkhua a lohchin diing bangtak a
nalohchin zohlouh ziak in na lung lel /lungkia (disappointed)
ahikha maithei. Lohchingzoulou a lungkiatna na neihna tampi awmte lak a
khat tuh lohchin na diing a lohchin na omna mundiktak (right place) na
et-khaak louhziak hi kha maithei ahi. Lohchinna kichi i-kiim leh kiang a thil
omte ziakhiam ahihkei leh i-hinkhua a thil bang hiam aziak neitak a i na
tuahte ziak a kimua hi zen-zen kei a, lohchina peen eimah (ourselves) a kipan
liu-leu ahi. Thilhoutak lah bang ahih hang
a diklah hi ngaal khat tuh nalungsim a lohching dia na kikoih
i-chihiam a hihkei leh na lungsim a na lohchin leh, a polam (outside) a leeng
lohching sana hi.
Na ngaihdaan in thil haihuai pi hiam a hih keileh thilhouchik
(simple) ahimaithei, himah leh i-hinkhua a thil neu chikchik teen hon
phuut/hon nuaisiah dimdem (overwhelm) chianga i namang hilhsek-uh hong hi
zeel ahi. Huan ah, hiai bang thilte niitenga eimah a deih teelthei diing
dinmun a i-omchiang in zong ngeina dan (usually) in ei-ah hong suak
theilou zeel hi. Theihna (Knowledge) peen
mitung a thuneih theihna diing a thilmanpha/phatuam(asset)
ahi. Hiai-in mihingte ah atam leh tawm a khenkaak hi.Etsakna diing in
Company kibang khat ah Managing Director (MD) leh na seemtunu
(maid-servant) kibat louhna khat tuh a theihna uh ahi. Managing Director
theihzah peen maid servant in theilou ahih man in, MD peen in Maid sangmah
in azaa(100) a sim in lohtam muzaw hi.Nang a lohchinna hon tuntu
bel na thiltheihte ziak ahi a, huan ah nang a lohsapna hon tuntu bel na
thiltheih louhte ziak hong hi zeel kha ding hi.
Huai ziak tak in na hinkhua a
na lohchin na ding in nang leh nang hun(time) nakipiak/ hun zatdik na kizil
a na kisin kuul ding hi. Na lohchinna diing in, nang
leh nang hun na kipiak theihdaan/nang leh nang a na ki zonsuah
theih daan lam tampi om ahi. Huaite lak a khat tuh Laibu(book) lei leh
simgige chiin zongsat (habit) a neih diing ahi. Laibu khatpeuh himawklou in,
na hinkhua a nang honchou(challenge) thei leh nang a diing a na
phattuam pih, baan ah bang hiam na ziilkhiat theih na ding Laibute(books) ahih diing
ahi. Etsakna diing in, mi lohching taktakte hinkhua/thu
(Biographies of other successful people) kigelhna bang, nang leh nang
a masawn theihna ding laibu
(selfimprovement book) leh Professional books chihte
khong ahih diing ahi. Hun, sum leh pai thilzil suah
na diing a nazat-te baan ah, thitup/ thilngiim kichiantak neih,
hun zatdik kisin, bang chileh eimah a kimuan ngamna( self-confident)
hihpun leh haksatna tuah hun a thuakdaan siam kisin, milak a thugeen khiak
siam kisin, hun leh thil paidaan toh kituak a ngaih tuahna (thinking) peen
zattheih dia bawl daan, damtheihna bangchi kepbit diing chihte khong in
na hinkhua ah Gah(result) peen naktak in khangsak/pungsakdiing hi.
I geen ut takbel bang chi
bang in leh bang a na thilzil chihte baan ah bang chituk in na thil
theihtheihna/ na thilzil theihsiamna akin gang a chihte nang mahmah in nakimuhsuah/ na
kitheih kuul mahmah ahi. College/University/ School khawng a
klass-luum(class-room) a nazil suahte sangmah in nang leh nang a na kisin suah/na
kizil suahte’n poimohna/phattuamna liantak neizaw tham diing hi. I
paidaan/chiin-daan kisinsak nate sang in eimah leh eimah a kisin siamna/kizon
suah na peen in tulai khovel ah phattuamna neizaw ta daan in kamu hi.
Tuni tan in paidaan kisinsakna (formal education) toh mi tamtak ki-om lai ahi.
Asimorfully in hichi in a nageen hi, “Selfeducation is, I firmly believed, the
only kind of education there is”. Ngeina daan kisin sakna peen hoihlou
zaw chi zen-zen khang hi mahleh huaite peen a bulpi/bulpatna
(foundation) lel ahi. A poi mahmah khat bel mi tamtak te tunitan in hiai
bulpi(foundation) lel ah kitang den lailai mawk hi. Huiaziak in huchibang mite
hih na sawmlouh diing ahi. James Allen in hi chi in a na geen “anxious
to improve their own lives, but are unwilling to improve themselves. They,
therefore remain bound”.
Thiltup ki chiantak neiteen hichi in chi-uhi,
khovel a i-hinkhua a hoihlam a masawn theihna diing in i-lungsim ahoih lam
adiing a masawn sak kaan a hoih omlou ahi a na chi uhi. Khovel a
lam-etna lian penpen tuh na lam-etna Pathian muangkawm a ahoihlam a
masawndiing a kaal na suan diing ahi.Theihna peen thil hihthei tak leh
mitung a thuneihna diing a manphaa leh phatuam in, na thiltup peen niiteng a
masawn leh awl-awl a hong gah suah theihna ding a hon pitu khat ahi.
Thupil khat in hichi in ana gen leuleu hi, “though wisdom is a house builded;
and by understand it is established. And by knowledge shall the chambers
be filled with all precious and pleasant riches”. Thilhoih peuhmah masawn peen
a nei a, na theihna peen khollou hial a na punsak/khansak leh na
theihlouh kaal in/bangmah lou kaal in niidang i chihiam hun paisa a nathiltup
gige mipa/minu na hong suak diing a, lohchinna kichi peen na
delhthoh hiam na zongthoh hong ngai nawn talou in Lohchinna in nang a hon
zui gige ta diing ahi. Na lungsim peen sikhiip(magnet) in thil a
hiip tang bang in lohchinna hiiptu/manbelhtu hong suak maimah ta diing hi.
SimtuteToupa’n phattuam pih
chiat diing in hon vualsak heen
aw.....!!!!
0 comments:
Post a Comment