KOPPIH (ZI) BANG CHIK HUN A NEI DING KAHIA! KA BUAI?? - Suankhanthang Tonsing

Vaite(Phaizang mite) kum 25 phak nakleh zi neih di ana paipih dan tangpi uh ahi( aneilou le jo omtham uh). Ngaih tuah thak kik leh amau lunggel dan achu, nu leh pan ahat lai mah ua tu leh ta muman ding, haksatna atuah ualeh, nu leh pan panpih man ding chih dan ana hideuh tangpi hi. Ei singtang mite’n chu mahni khe a dingtheih keh neihsawm lou pawl te ina hileuleu jel uh hi ( huchi kawmkal ah aneipahpah le ki omjel thou) aki leh bulh mah kibang. Mahni khe a dingthei chiang ten lah Saving(khol) phot di, Enjoy(nuamtaal) phot ding chih hijel. Ngaihsut ding tampi hon pia hin kathei. Ahoih lam leh hoih lou lam tampi omlai in, tuni in hoihlou lam et hat luatziak in, sep-leh-bawl ding tampi bawl khalou, semlou in zekai kha nak chih muh theih in om. Nu leh Pa’n amuh ding zah uh mumanlou tampi leng omta

Tuni in Sepna nei theichiang endeuhta leng adiak in TANGVALNUNGAKte, sepna nei achih in Company, Government, Private, daily worker(mistiri, carpenter etc) chih te ahi uh. Sepna nei khenkhat in saving (Khol) phot ding, security(lungmuanna) omlou chih suanlam tangpi uhi.Huaijiak in minautang in Governmentt sepna mitsuan vek hi, huai ahih kawmkawm in Government a sem thei veklou ahihdan le theih ahoih diam chih hon lunggelsak hi. Tulai in atang pi in kum 25-26 in Post graduate tan  zou tangpi ta uh hi. Nidang in bel kum hih niam ngai a, tuchiang in Education Date of Birth bawl dikdik ngailou in ani,akha leh akum dik mah kizang theita, hiai in laisinna lam ah makisawn mahmah ta chih hon musak ahi. Mi nautang buaina security(muanna) ahi huaite lak ah adiak in Company, NGO, Private Teacher leh adangdang ah te lak ah uang diak khol. Government, Banking, Central leh state service te lak ah security(muanna) om deuh hi. Tuni in Seppna lam gendek ihikei a, I thupi ah en kik ta le

KOPPIH(ZI) BANG CHIK HUN A NEI DING KAHIA! KA BUAI?

Ahi I gen ut . Koppih neih kichi pen lungmuanna na khop sum leh pai, Sepna I neih chiang ua neih ding mitampi te ngaih dan leh ki hasotna THUPI ahi. “NA Zi BANG IN NA VAAK DIA?”. Private Company BPO ah kum 25 kahih in kasempan a vai dangka singkhat kaloh , kum 5 bang kasep nung in promotion leh ka loh(allowance) hong sang zota. Huai kawm kal ah zi neih hun salou in kum 35 tan bang ka ngak tou a saving phot ding chih ngaihtuahna toh. Huaisung in kum sawm bang ana ke man hialta. Ka sepna a kalutpih ka lawmhoih mahmah Unaupa Manglian in kum 2 kasep khawm nung un zi hong neih san a, Kei toh ka sepkhawm uh kum sawm bang phata, aman ta(children) 3 neita, khosa thei leh kidaih thou uh kamu hi. Kou gel bel neu apan ki thuah kivual kahi uh. Ken saving ding ka chih kawmkawm in ka kum ana tam man ta ahih man in zi neih ding ka hon ngaihtuah panta a kum 37 kahih in koppih kong nei khe khongta. Kum khat nung in chu PAthian vualzawlna toh takhat kahong nei a, ka lawmpa ta upapen in pawl 3 ana sinta. Nitak khat ihmu theilou in ka ngaih tuahna hong paisau sim zaw ahi diang a, hichi dan in ka thutawpna ka nei theita hi. Sepna kaneih in zi ana nei hitaleng Kum 25 kita hing a, Pathian vualzawlna Pathian ompihna toh damtak a inkuan ki khawsa bang hita leh tuhun banga ka ta upapen pawl 6 bang hitheita ding hia, huchi hileh ken dam a kasep hoih jel leh tu a kum 37 kahih leh, kum 50 tan bang sem ta len huaisung a chu ka tate

piching mandi ua huai kia le hilou sepna bang nei manthei di uh hia. Tu in kumbang zah kasemta chih ka kingaihtuah len kum 10 bang ana val mantahi. Security ka na buai pih sotlua kahi de aw?? kachi maimah,

inkuan etkolna ding a kining ching zo deuh kana buai pih sot luat zawk ziak hialeh??. Kaki ngaihtuah khovak phial ahi. 

Ka thutawpna chu hiai ahi, SEPNA( Company,Private,NGO etc) bang I neih diakdiak leh Security, Enjoy chichi lou a KOPPIH neih ding lunggelpah ding ahi. Huchia I hatlai mah a Pathian vualzawlna toh tate hoihtak a etkol a sepna kipzaw chia kana ngaihte, neithei ding a sinsak ding ahih dan ka hon ngaihtuah suah ahi. Kisik na ngen in ka pumdim mawkmawk hi. LAwm leh khan vualten atate uh College kaisak man dek ta uh eila nau kipompan. Security(sepnalam a kip) kachihchin hichi dan I ka hon ngaihtuah kheta. Ka seppna lam ah ginom, kuhkaltak leh kithalawp tak in semleng kuan hon tawpsak mawk dia? Ka sepna(company) beijen ahih keinakleh, huchi ahih tawp in, Company dang ah ka experience na toh nasep ding dang omnalai lou ding hia. Nu leh Pa ten “BAwi aw hong khang mengmeng…..Nu tha khek aw Pa tha khek aw” hon awihna laa uh kha. Tuni in KOPPIH BANG CHIK HUN A NEI DING KAHIA? KA BUAI!!! ichih kal in Upa man lawta, SAVING leh Security buaipih sung in Kum mualiamjel. NGAIHTUAH UN NGAIHTUAH UN!!!!!!!!!!!!!!!!!!!!!!!!