MzrPaiteLink

Birthday -Jimmy KaikhanmangGuite

<div dir="ltr" style="text-align: left;" trbidi="on">
<div class="MsoNormal" style="margin-bottom: 0.0001pt;">
<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEivDgPROpLFXGuzjbJ1J0IBWDEsG1OiDnX4L6uI8svF8-v_BeYAQdaSm12IhazooRUXIqL6zslDx1vT2sFlIvjU7cJb4vRlZHkir1PvzPF93od3RVozhJrIcNED8LmD9iUpWxIIRagGsxI/s1600/2.jpg" imageanchor="1" style="clear: left; float: left; margin-bottom: 1em; margin-right: 1em;"><img border="0" height="200" src="https://blogger.googleusercontent.com/img/b/R29vZ2xl/AVvXsEivDgPROpLFXGuzjbJ1J0IBWDEsG1OiDnX4L6uI8svF8-v_BeYAQdaSm12IhazooRUXIqL6zslDx1vT2sFlIvjU7cJb4vRlZHkir1PvzPF93od3RVozhJrIcNED8LmD9iUpWxIIRagGsxI/s1600/2.jpg" width="161" /></a></div>
Happy Birthday: Zomite’n
‘pianni’ i chih pen namdang paua ‘birthday’ hong
kichih chiangin ei tuailaite hon den gikdeuha a puak leng zangdeuh hiv’aw na
chi tei uam ? Khotheih deuh nunga mi’n ‘na pianni</div>
<div class="MsoNormal" style="margin-bottom: 0.0001pt;">
lungdamhuai’
hiam ‘na pianni hon kipahpih ing ei’ hon chih duanduan sang ua
‘Happy Birthday’ ngat hon chih uleh changkan huai mai hilo, a ging mahmah
leng kilawma ngaihnathuai chitchiat hi ei. Khovel in a piak
theihloh, mihing pilna in a suktuah theih mok leng hilo; Pathian vualzawlna
ziaka nupa kala naungek hong piang bang zaw a paitu nuleh- pa, a
dawntu ding pi-leh-pu adia kipahna tungtuan diak ding mah</div>
<div class="MsoNormal" style="margin-bottom: 0.0001pt;">
ahi. </div>
<div class="MsoNormal" style="margin-bottom: 0.0001pt;">
“Bawi
aw hong khang mengmeng aw; pama luidawng hong bang aw,
pama luidawng nong bat chia’n; Nu tha dawn aw, Pa tha khek aw,
tuai aw e” </div>
<div class="MsoNormal" style="margin-bottom: 0.0001pt;">
chi a pitek-putek te’n nauawihla a sak lai
un bang lungsim nei di’n
na ngaihsun a le ? Kuahiam lasasiam khat in a sakdan zuia sa mai uh
hiin na gingta thei hia ? Tulai khanga awlsam taka ‘Happy birthday’
chih mobile phone apan sms kithot hiam sumzong mite vanzuaknamuna
chibaibukna laithem ‘greeting card’ kilawm deuh va lei zuala
kipiak sang in pitek-putek, nu-leh-pa ten pianpih awsuak toh lungsim tawngdenga
tate deihsakna ‘nau-awih la’ a awih uh nak vualzawlhuai na mah in
chia !!! Mihing pianni sang in amah apiangtu a poimoh zaw gige hi.
Kristiante Laibusiangtho ah, </div>
<div class="MsoNormal" style="margin-bottom: 0.0001pt;">
“..mihing
khawlni adia bawl ahi kei a;</div>
<div class="MsoNormal" style="margin-bottom: 0.0001pt;">
khawlni
mihing adia bawl ahi zaw…” </div>
<div class="MsoNormal" style="margin-bottom: 0.0001pt;">
chiin na gelh hi. I pianni sang in a piangtu
ei hinna ah inu-ipa, ipi-pu leh pianpih-laizawmte lam-etna</div>
<div class="MsoNormal" style="margin-bottom: 0.0001pt;">
sangtak a
om gige hi chih i pawmtheih ding ahia, bang dinmun ah ding ta buang
le’ng zong tua lam-etna vuaksuak sak mi tuh a damsunga mi lohsam ahi
chih bang mailam kalsuan na dia mangngilh loh ding kalbi</div>
<div class="MsoNormal" style="margin-bottom: 0.0001pt;">
poimoh
mahmah khat ahi. Bangpiin i ngaikhok ut naikei ahi maithei, tuisik-nausen
apan tua lam-etna toh honna ngak tun-leh-zua, pi-leh-pute midang
sanga mawl-leh-sah himah le uh a leitung nitawpni un leng tua</div>
<div class="MsoNormal" style="margin-bottom: 0.0001pt;">
lam-etna
mah siksana nei in hon itna uh nou ngii-ngei lenkip tinten kawm in eive
hankhuk a lut ding uh. Tuahun a tun ma un, a lam-etna uh thaksak gige in i
hinkhua akip-akawi lunglut, ngentel leh pilvang taka honna ching/enzui
ngitnget uh ahi chih mangngilh hetloh ding ahi. Tuisik-nausen i hihlai a
honna dawmkangtute khut ah Pathian in vualzawlna A sekkhawm hi chih
leng i lungtang sung ah tamden hen.Tua theihna kalsuanpih tuh damsung
lamzanna dia Pathian seh lampi ahi.</div>
<div class="MsoNormal" style="margin-bottom: 0.0001pt;">
 </div>
<div class="MsoNormal" style="margin-bottom: 0.0001pt;">
Naupang
tualtai: Nu-leh-pa, pi-leh-pu ahihkeileh itna toh
hon khawiliantute
khut sung apan leikanga khovel neuchik a kizatpat kiangkiang
huna muan leh belh pen, thilbangkima tungnungpen a koih mite zaw
vangla singkhual mi hilo, pianna tunnu-zuapa leh theibangsena tubang hon
ching pi-leh-pute mah na hi nilouh mok uh hi’vaw. Khanvual laka
vuallel-tansia kisa a khasiat-muisiat huna ngaihtuahna a kilang masa pen
leh lam-etna kingakna pen zong
amaute mah hi zel. Lawmta-khanvual
kinak-kisiat nikhua a
honhum-honliah ding belhbul
pen nu-leh-pa mah na hi teitei uh.
Lungzin-mangbat leh kipah-lungkimna
teng midang sang in
nu-leh-pa khebul mah a kitun masa pen
lou thei kei. Naupang melmol in
khovelthak ah dotna a kihau nasa maia, chimtak hetlo a tua dotna
zozaite hon na dawngkim sipsip
amau mah na hi tazen uh. Pathian in
tuabang hunte nung suikik
thei dia pilna leh theihsiamna
nei ding khop a tuailai hinkhua
hon zatsak lai in hun paisate
aki mangngilh thei mokmok sek hi.Naupang tualtaithei hih lai huna
nu-leh-pa muanna zozai teng tua koi a ki selmang hita lawmlawm ding ahia
le ? Pathian in hon siam mihing khat hisam, tuailai ki hi zawmah; neulai hun
suikik vengveng dih ni e. Haksat-lungzin, lungdam-kipah ni in kua in
a hon khasiat pih in kua khamuanna in hinkhua adia thathak hon guan
zel hiin i ngaihsun a le ? Naupang tualtai-khetawithei i hih laia inu-ipa i
muanna teng mangsaka kua kianga muanna nga ding i mah a ? Tuailai
dinmun toh kituak khanvual-lawmngaihte ziaka nu-leh-pa, pileh- pu leh
sungkhat-laina mangngilh khopa hinkhua zangthei dinga Inpuakonglai nopna
lunggulhna in lungtang sungah munteng a luahdim thei tham ding.
Himahleh maw, laphuaktu in, “Lawmvual hong kikhen dia..vangtah
ka sau naubang kah na..” ana chih bang deuh in, mimal hinkhaw
lampi tuamchiat zuih hun a hong tung pah dia, lawmvualngaih te’n
lenmual hon khupsan ding ua; a pangkhialpa a ding ngial in zaw lu i khuat
dia ‘samzang’,
i dinna lah ‘leikeu’;
lungzuang-khawngai in galkhua
dak le’ng ‘kawlmong-muhtawp’….
tunglam ah van a sang khop ding . Tua
tuh ana paimasa mi tampite hinkhua leh a bawlthak theihloh uh kisikna
khukpi sulnung ahi. I zuizel ngam na diam ? 
 </div>
<div class="MsoNormal" style="margin-bottom: 0.0001pt;">
Siamna
leh Theihna: Siamna a hiam(sharp) a, Theihna a
tou(lasting) hi. Siamna
nei mi tuh mi ngaihsan huai ahia, theihna hau mi bel mi lohching
ahi nak hi. Tuailai kisinsiam a pahtakhuai a, lunggelsiam mi tuh mite
zahtak aching hi. Leitung siamna in nu-leh-pa ai’hkeh vualluite theihna
lam tampi ah delhpha zolo teitei hi.  
 
Amau sanga laisiam leh sinna sang
suanlam in hon suangtu nu- leh-pa, pi-leh-pu simmoh kha kei</div>
<div class="MsoNormal" style="margin-bottom: 0.0001pt;">
ni. “
.…Mimbang i pian khiatna i leitung Pasian ahi…Simlei mizalai ah
tun-le-zua tampi omlo… “ laphuaktu Lengtong Paunou in na chi hithiat
hi. Theihna ah amau dinmun tan tung dingin tuailaite’n kal tampi</div>
<div class="MsoNormal" style="margin-bottom: 0.0001pt;">
mahmah i
suan lai kul dinga, leitung hinkhua anuam-ahak, nop-leh-dah tampi
thuaktouh zellai ki phamoh ding hi. Pila-siama, thatang-ngalhat toh
inu-ipa paikhengta kisa in a luzang uah suk-et utsim sek mah le’ng,</div>
<div class="MsoNormal" style="margin-bottom: 0.0001pt;">
ngeksen-tuisik
pana hon domkanna uh khut-leh-khe a hat nawnlote ei adia thatang-lungsim
lamkhetu vualzawlna ahi. Tuapen mah a muangngam,
a zahtak mite mi lakah mavang-muingil tuamse uh ahi chih</div>
<div class="MsoNormal" style="margin-bottom: 0.0001pt;">
chiamteh
tin-ten dia hoih siamna mai hilo in theihna manpha ahi. Tua theihna a
zangsiam mite khovel in mipil a chiamteh hi tazen ei ! 
 </div>
<div class="MsoNormal" style="margin-bottom: 0.0001pt;">
Hankhuk
leh Tangtawn: Leitung mihing, beidong-kamsia kisa mite’n tangtawn
hilo khantawn nangawn sawtlua sa; leitung hinkhua chimtak in hankhuk
tungbaih sek mahle uh hankhuk toh kizom geih in a chimtak</div>
<div class="MsoNormal" style="margin-bottom: 0.0001pt;">
sang ua
sawtzaw tangtawn om ahi chih ngaihsun phalo uh hiam, a theihsa nangawn uh
mangngilh hi kha ding uhi. Mihing in a kumtam leh upat suanga mi
laka a ki thupisak lai in niteng-hunteng leh dakkal sim in</div>
<div class="MsoNormal" style="margin-bottom: 0.0001pt;">
hankhuk
naih hiaihiai ta lawmlawm hi.Tua hankhuk a lut nini in tangtawn toh na
kizom nalaidep ding hi zenhouh settawk kawithahah hi. Tangtawn gam bel
mihing thuneihna om nawn kii-kei loh na, Nuai Zinmang leh Tung
Pathian lalna gam liauliau hi leuleu ding hi. Apil-asiam, ahai-amawl kikhen
theilo dinga; deihtelna, leitung damsunga mimal lungtang deihtelna in vaihawm
khum ta ding hi. Mihausa kuahiam in leitung ah khutdawh Lazar a om
lam thei a, a sanggamte pasal toupi mihing nga hilhial leitunga hing-dama
om uh ahi chih tangtawn gam ah phawkkhe pan phing hih tuak hi.
Theihna zekai, pilna-hai a suak hilhel tel hi. A nget ngutngut nangawn a
lohsam hi. Hankhuk tawnsuaka tangtawn gam i tun chiangin tuamuna
omden ta ding ‘pianni-Birthday’ thak
liklek hong piang mok ding a;
khenkhat adia ‘very very happy Birthday’ hinapi,
kuate hiam a ding in
bel ‘pianni lunngdamhuai’ hi
thei ngello dinga; zong hi thei ngei nawnlo
himhim ding hi. Leitunga mihing a damlai in Pathian leh Setan kituh
nilouh hinapi tangtawn gam ah tuabang kituhna om vetlo dinga, mihingkha
pen a leitung damsung theihna-deihtelna zuiin; a telsa kumpipa kianga tengden tading in awlsam takin pai
hiau ding hi.</div>
</div>

Birthday -Jimmy KaikhanmangGuite

H appy Birthday: Zomite’n ‘pianni’ i chih pen namdang paua ‘birthday’ hong kichih chiangin ei tuailaite hon den gikdeuha a puak leng za...

06:45

Guite Road tawn a Mizoram ka zinna ~~ - Songsawmlian Tonsing

<div dir="ltr" style="text-align: left;" trbidi="on">
<div class="MsoNormal" style="margin-bottom: 0.0001pt;">
<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEh3w1HlRfJfPGp05sTlh3Ecbt_iBQOwMaAbSQpbEkeQ3Tm-0pj3t634zTP2jT7mnwP-VbIpvc_J9QgGf0vy-zTWSadTx4D2p1kaZg-8G5u7ZGN4Kgyx9Rf9h5bWpMakR0317caZvYl-h9M/s1600/Songsawmlian+Tonsing.jpg" imageanchor="1" style="clear: left; float: left; margin-bottom: 1em; margin-right: 1em;"><img border="0" height="200" src="https://blogger.googleusercontent.com/img/b/R29vZ2xl/AVvXsEh3w1HlRfJfPGp05sTlh3Ecbt_iBQOwMaAbSQpbEkeQ3Tm-0pj3t634zTP2jT7mnwP-VbIpvc_J9QgGf0vy-zTWSadTx4D2p1kaZg-8G5u7ZGN4Kgyx9Rf9h5bWpMakR0317caZvYl-h9M/s1600/Songsawmlian+Tonsing.jpg" width="184" /></a></div>
Ka Nu’n bel hon phal law tel kei hi. Ka
kilawp dan ka gen chiang bangin, va chim
gawp niteh koimah a nang kia a khualzin khiale hingeiloupi, Nute ngai
a na va guk kahkah khakding kalau zawdaihve chi’n hon</div>
<div class="MsoNormal" style="margin-bottom: 0.0001pt;">
dawng hi.
Va zin di bang hilechinle na lampai na di kon lauhsak hon chih behlap zel
hi. Hon phalluat khollouh na ziak dangkhat hi a katheih tuh, inn a
mahni khomkhom a nuamsa tak a ki om, Singtang/ Zoudawn lamah va zin
leng nektheih chi tuamtuam deih bang a neek di omlou di, gilkial
velvul khong a ka va omkhak di hon lauhsak ana hi hi. Lehlam tak ah ka Pa’n
bel kazin di hoih honsakpih a, ahihziakin kei ngaihdan a pai</div>
<div class="MsoNormal" style="margin-bottom: 0.0001pt;">
di’n
zaleenna honpia hi. Genlai le, ka Nu’n; huai singtangdawn a nava zinsa’ngin,
na U Siam in Delhi ah Christmas zangdi’n honsam hilou maw, huai
ah vazin lechin nuam vasa zaw di neive honchi hi. Huchi’n</div>
<div class="MsoNormal" style="margin-bottom: 0.0001pt;">
Delhi lenna
ticket man di honpia ua, keile ticket la din kakisa hi. Ka gate kong ua
Paupu Auto te ngak in ka ding hi. Deihbangin hong tai kin keihial a,
(auto kha, i deihkin tata’ chiang a vang a vang , i poimohluat</div>
<div class="MsoNormal" style="margin-bottom: 0.0001pt;">
khollouh
chia lah om zihzeh a batna chiang om hi) huaisungin ka ngaihtuahna
hong ki khek man a; huai mituam-namtuam te gam a va zinsangin
, ka Pu ka Pa pianna gam leh khanletna mun ‘Zoudawn’ ,</div>
<div class="MsoNormal" style="margin-bottom: 0.0001pt;">
laphuaksiamte’n
laa a ana phuah nagam uh, zu-leh-va chi tuamtuamte omna mun,
ka mit mahmah a kava muh ding sapna bang a ngai in huai a hoh katel
zaw hi. Ka Pate’n ticket man dia honpiak uh ka pekik a, amaule</div>
<div class="MsoNormal" style="margin-bottom: 0.0001pt;">
bangmah
honkan nawn tuankei uhi.<o:p></o:p></div>
<div class="MsoNormal" style="margin-bottom: 0.0001pt;">
 </div>
<div class="MsoNormal" style="margin-bottom: 0.0001pt;">
Huchi’n
tarik 16/12/11 sintawpni a dingin Lamka to Aizawl Tata Sumo
ticket kala hi. Guite Road tawn a ka khualzinna masapen pan di’n kong kipan
ta hi. Kawlbem, Mizoram a ka Paneu te omna vaphak ding</div>
<div class="MsoNormal" style="margin-bottom: 0.0001pt;">
kasawm
ahi. Zingdak 6 geih a kipatkhiat di chih himahleh Manipur timing banah
Sapte’ thupil ‘Better late than never’ chih zui kahi ngei di ua, dak 7 vel in
ka kipan kheta uhi. Kei a dingin Tata Sumo a katuan masak</div>
<div class="MsoNormal" style="margin-bottom: 0.0001pt;">
napen
hilou in Guite Road tawn a Mizoram a lut di te a katuan masak napen ahi
hi. Aizawlte innkuan khat Lamka a a sungkuante uh veh a hong zin,
a innlam uh zuan a kiklam toh Baktawngte tangval khat India</div>
<div class="MsoNormal" style="margin-bottom: 0.0001pt;">
sepaih
suti a pai khat toh katuang khawm uhi. Ka kilehbulh uh abang hi, a ziak bel
amaute’n bel a innlam uh zuan hita ua, kei bel inn nusia a tanaute
veh dia khualzin ka hi hi. Leivui a khu mahmah a, lampi leng</div>
<div class="MsoNormal" style="margin-bottom: 0.0001pt;">
hoihlou
lua kisa, kuak a kuak dekduk na bang, pot a a pottouhna bang tam in tam
petmah hi. Gari kham chihte bang om lolou thepthup, a hoih lampang a
lak di hia, a se lampang a lak di chihzaw simtute ngaihdan a</div>
<div class="MsoNormal" style="margin-bottom: 0.0001pt;">
hi lel di.
Guite Road i chihchih a poimohdan leh a minthan tukin hoih zoulou
hi’n kamu a, Rev. L.Khamkholun in “ sial
kai om kasakleh gari kai
nahi leltak uh “, chi a agen kaphawk khia hi. Phaizaang
mite’n</div>
<div class="MsoNormal" style="margin-bottom: 0.0001pt;">
amau lampi
hon khaktan
chiang ua, i hinna
lampi uh ahi chih
theimah lehang awlmohna
leh itna toh a zuun
ding</div>
<div class="MsoNormal" style="margin-bottom: 0.0001pt;">
mihing
omlou phial mahbang
hi. Kei ngaihtuahna
gen maimai
kahi a, nam leh gam it tungtuan bangzah hiam i om uh chihleng kahaih kei
hi. Lungthul leh Mualnuam kawl[cliff] te bang thupi kasathei mahmah a,
melmuh tongsaan a kamuh a thupi kasak mahmahte, ei gam a om
ahihdan katheikhia hi. Songtal leh Khuanggin kikal gamla kasa mahmah hi.
Manipur a khua nanungpen Sinzawl nitaklam dak 4 in katungua,
huai a patin Sinai camp kigal muhthei hi. Dak 5 velin Manipur leh
Mizoram kigamgitna Tuivai Lei katung uhi.</div>
<div class="MsoNormal" style="margin-bottom: 0.0001pt;">
 </div>
<div class="MsoNormal" style="margin-bottom: 0.0001pt;">
Mizoram
nana tuh lampi ana hoihzaw a, mualtung lam manoh kahihziak
mah uh adiam a bouruak bangle dangzot hi’n katheithei hi. Khua leng
a mialta hi. Nitak dak 6 velin Khokawn ka luttou uhi. Mei/electric
ana vak phingpheng pah mai a, lam nawl ah gari neu tamkhop mu hi’n
kaki thei hi. Lamdang kasa maimah hi. Singtang dawn a hichi bang
thilte om din kana ngaihtuah kha kei himhim hi. Khawdungsei katungua
huai ah nitak an ka ne uh. Khodungsei tuh Khokawn sangin a khopi zaw
a, Paite te omdia ka gintak keileh ana om uh ahi dia, Manipur a hong
kipan nahihleh Zuu hon pawlou maw? chi a honna houpih bangzah veihiam
katuak hi. Manipur akipante’n Zuu pozel uh hihtuak! Inn katunnung
a katheih thakleh ka annek na uh mai a dawr ka Pute’ a ahihlam ka Pate’n
honhilh ua, ka Pate Nite tamkhople huai kimlak a teng uh chih kaphawk
hi. Ka tai zom zel ua zan dak 9 vel in Ngopa ka tung ua, ka Ni Ngaigoute
inn ah giak di’n kapai hi. A zinga auto zonga kavak na ah, inn bangzah
hiam ah kahoh kha a, a kamsiam un a hou nopthei mahmah uhi. Huchi in
dak 7:30 in Kawlbem ka manawhta hi. Gammang a hoihthei mahmah a,
lamkiang a manou sing leh hual sing liantaktakte bang a et tham
mahmah uhi. Bangtan hiam katai nung un kawlbemte khomual katung ua,
huai akipan taklam pang a i dak khiatleh gammang hoihtak Forestte a
kiphah phei zenzon mai hi. A kallak ah Tlaizong pak kilawmtak hong
pakkhia ka muhin katawl a dam sak zou hi. Ka Nuneu in honna dawn a,
chibai kaki buk ua, ka auto hire man pia in auto pupa toh mangpha kikhak in,
huchi’n amah taikik hi.</div>
<div class="MsoNormal" style="margin-bottom: 0.0001pt;">
 </div>
<div class="MsoNormal" style="margin-bottom: 0.0001pt;">
Ka
kihahsiang khitin zing an ka ne ua, gimsim mahleng kisuhalh di chi’n a
innsak ua mualtung lianlou khat ah kava khodak hi. Lungleeng sim kahi
ngei dia, ka fone ah laa ngaihkhiat konpan a, Don Williams, Dan Seals,
Dolly Parton, Carpenters chihte a ka ngai hi. Et na lamlam tuh
mualngen muh ahi mai. Tongchiin kawl thupi takmai chiang huntawk in a ki
galmuhthei a, a pamlam ah khua kisatthak khat ki galmuh chiichiai lel hi.
Mei/Electric apai hoih mahmah a dakkal 24 paisuak charchar mai hi. A fee
leng Lamka a toh teh in gentham ahi kei phial hi. Zaakhat bang a phakleh
chu tam sak a sa maidan uh ahi. Ki khaih deuh in om chi aw!!!</div>
<div class="MsoNormal" style="margin-bottom: 0.0001pt;">
A kimkhat
bek Lamka zaang a din deihhuai mahmah hi. Duhthusam takngial
inchu innveng mehkholh a kikholh theih hileh chihhuai tuntun maidan
ahi. Manipur a khopi nihna in Mizoram singtangdawn a khua</div>
<div class="MsoNormal" style="margin-bottom: 0.0001pt;">
khat
phalou chihtel lawmlawm khong chu mak himai!! Pu Khamkhokam Guite
laibu: “HINKHUA DAKMUAL” a
‘meivak vialpuak ukpipa’ chih thupi
zanga a thugelhte kaphawksuah zungzung mai hi. Manipur electric
in mipite deihsak zoulou bang kasa hi.</div>
<div class="MsoNormal" style="margin-bottom: 0.0001pt;">
 </div>
<div class="MsoNormal" style="margin-bottom: 0.0001pt;">
A khosakna
uh changkang mahmah mai kasa a, lamdang bang kasa sim maimah
hi. Lamka zaang a te neih bangbang; Fridge, puansawpna khawl,
melmuh tongsaan te tanpha tung biubiau uhi. Fone chu ahisa in</div>
<div class="MsoNormal" style="margin-bottom: 0.0001pt;">
koihleng.
A neihlouh uh khat hi a katheih bel inverter ahi. Amau a din a vanneihte
uh neihman omdiak din kagingta ahi. Ei a din bel asiangsiangin inn
dimsak, inn cheina lel a batna chiang om hi. A minthang Job Card</div>
<div class="MsoNormal" style="margin-bottom: 0.0001pt;">
bangleng a
didan tak mah in loh kipia uhi. Semlouhman dingin sum nathoh uh hia
kachihleh hai honsak chisim uh a bang hi. Khualzin khe ngeilou chih
mahtak(kei kia banga zin hizomah), ka Nu hon gendan tak in chim</div>
<div class="MsoNormal" style="margin-bottom: 0.0001pt;">
in kava
chim maimah hi. Innlam bang ka ngai mahmah a, paipah bang ka-ut hi.
Ka Nu toh kaki houkhak chiang un bel chim chih kammal kagenkha
kei himhim hi. Innlam ka ngaihtuah sek a, ahihziak in lampi</div>
<div class="MsoNormal" style="margin-bottom: 0.0001pt;">
paidan tuh
katheisiam zoukei a, ka ngaihtuah khezou kei hi. Inn nopdan
kava theihkhiat loh a, hampha ka himai. Zin keileng inn nopdan thei
nailou lai ding kahih man in. Kava omsungin Sialkal taang a</div>
<div class="MsoNormal" style="margin-bottom: 0.0001pt;">
khua
khenkhat, Teikhang, Hiangmun, Mimbung, kava pha hi. Mimbung a
ka tanaute uh innte kava sik hi. Teikhangte thangkhuai kava ne
kha a akhum chiik mahmah. Sialkal taang a a khuate ua Biakinn te
uh a hoihin a kilawm mahmah ua, mimalte inn sangin a hoihthei
zaw uh. Huchi didan mah ahi de aw chihhon ngaihtuah sak hi. Pucca
building ngen a bawl ahi uhi. ka Paneute kiang a Khrismas zat ding
chi himahleng gari a mumal khollouh toh banah denchiah skul kai
lapkei khaleng chih kalau gu sim a, huaichiah Mimbung kava phak in
kavengte uh moukha a om uh chih kava thei a, huchiin a gari ua kihen
theih di hia chihtoh a paini di uh chiantak kadongtel a, aw, hong
kihenve, paina di kibang hiven hon chihtakun, kenle; nongpai ni chiangua
Kawlbemte khomual a honna ngak di kahi kachi hi. Vangnei bang kaki
sa a, ka om bang a nuamtuam hi.</div>
<div class="MsoNormal" style="margin-bottom: 0.0001pt;">
 </div>
<div class="MsoNormal" style="margin-bottom: 0.0001pt;">
Huchiin
hongpai di ni un ka Paneu in a khomual tan uh hongkhak banah gari
hon ngakpih a, sawt simtak ka ngak nungun gari hongtai khongkhong
a, mangpha kikhak in gari ah kalut hi. Innlam zuan a paituh nuam in
anuam maimah hi. Nuam chihlouh a gen didan dangtuan kathei kei hi. Ka
guk nuihnuih mai hi. Sau khoptak kon tai nungun Mizoram kon kheng
ua, Tuivai lui ah ka khawlzek uhi. Limlakna bangtan hiam kaneih
nungun ma konpan nawn uhi. Guite Road tawn a innlam zuan di kahong hi
nawnta hi. Leivui hong khu pah lunglung a, gen uangdeuhle tai na
nung bang meipi zaam a zaam maidan ahi. Tut dide chihte a omthei nawnta kei
a, samsau deuhbang hileng zaw guitaristte mah bang din kaki um hi. I
zoudawn khua te uah inn a tamkei hial hi. Nidanglai a laibu kasim
khakna te a zaw inn tamkhop omdan a simkha a kithei hi ing a, ka laibu sim
te zuau amawleh, zuau hingal keileh kilawm, kalung a buailoh hi.
Singtang khua ah nopni-dahni a ki-uap dante, luinak phaging sialsialte,vasa
hamging tuamtuam kilawm-takte, mual-leh-guam hing dipdepte
ahah gen mahmah ua, ka simkhak munpente le ahi hi. Himahleh ka mit
mahmah a konmuh chiangin ki-kelki mahmah hi’n kathei. A keu a keu mai,
zouhuihkhi siang
bangle siangzou nawnkei
phialleh kilawm,
huaichiah zousiiktui bangle luangzou
nawnkeileh kilawm
khop a keu a keu maimah
dan ahi. Lamdang
kasak nawn khat
ahihleh nam leh gam it,
nam leh gam zuun ut chi a mipi palai di teelhun chiang a guhdawk zenzen a i
genkhiat phungphungte uh koilak a om ahia??? I guh kawm a tum mang
maimah hiale???. . . .chih hon ngaihtuahsak hi. Ki khemkhem khathouh i
hi uh hialeh ??? Ki phatphat laizomah hang! I nam leh gam itna leh i
mengmuhna (vision) un i saangkil uh kanlou khawng ana hi maimah di
eee!!! Denchianga thuneihna (power) i tawi in namdangte mai a hon
zahlak sak a, a nuih zabuuk lel dinguh honsuahsak khak di bang</div>
<div class="MsoNormal" style="margin-bottom: 0.0001pt;">
kalau gu
mahmah hi.<o:p></o:p></div>
<div class="MsoNormal" style="margin-bottom: 0.0001pt;">
 </div>
<div class="MsoNormal" style="margin-bottom: 0.0001pt;">
Ka
khualzinma a i Zoudawn kangaihtuah khakchiang in , ka ngaihtuahna
bang hing in a hing dipdep mai a, kalungsung ah zouhuihkhi siangte
bang hong nung hiauhiau a, tuiluang gingte bang kaza hi’n kaki thei a,
vasa hamging bil tai huaitakte’n ka khozaktheihna a luahdim a, huaichiangin
singtang louhneih dan bangle ana kikhek mahmah di’n kakoih a,
gammang thupi taktak kisaktheih pih tham di muh kaki lamen hi. A
tomlam a gen in i zoudawn etlawm mahmah ding a, khantouhna bangtan
hiam bek ana tungngal di’n kangaihtuah hi. Himahleh amun a ka mit
mahmah a konmuh chiangin ka ngaihtuahna hing takmai a suse dimdem hi.
Hichibang lawm lawm tel a zuun louh a om di’n kakoih theikei a,
ka manglam kasa maimah hi. Hun tampi seng a i zoudawn etlawm
dingdan kana ngaihtuahtuah pen suse maimai dia bang a chia Guite Road
tawn a vazinkha kahi de aw kachi a, kaki mohsa a, kaki siik sim maimah
hi. Ka ngaihtuahna hingtak mai pammaih sakna in kadim a, lakkik
theih hileh kachi mahmah hi.</div>
<div class="MsoNormal" style="margin-bottom: 0.0001pt;">
 </div>
<div class="MsoNormal" style="margin-bottom: 0.0001pt;">
Nitak dak
6 vel in Songtal ka tungua, huai ah kakum a, ka Nii te innlam
kazuan a, zaan kagiak hi. Ka tuanpihte bel Tuima a giak din a taisuak
uhi. A zingkal dak 8 velin Sinzawl bus ‘WONDERLAND’ ah</div>
<div class="MsoNormal" style="margin-bottom: 0.0001pt;">
kong tuang
hi. A sung a dim mahmah ziakin a tung ah meihol bag tamsimtak
toh katuang khawm ua, leivui khuut toh a meihol khuut toh ka zeempha
mahmah hi. Innlam zuan a pai kihi ahihchiang in poisak</div>
<div class="MsoNormal" style="margin-bottom: 0.0001pt;">
bangmah
kanei nawn mang kei a, lungsim ah ‘INN’ chouhchouh om a, tun
kalbang kangaklah mahmah hi. Sapte’n “THE JOY OF GOING HOME” a chihte uh himailou di hia???</div>
</div>

Guite Road tawn a Mizoram ka zinna ~~ - Songsawmlian Tonsing

K a Nu’n bel hon phal law tel kei hi. Ka kilawp dan ka gen chiang bangin, va chim gawp niteh koimah a nang kia a khualzin khiale hingei...

06:27

ZOMI leh SIAMSINNA ~~ Ngulkhanzam Neihsial

<div dir="ltr" style="text-align: left;" trbidi="on">
<div class="MsoNormal" style="margin-bottom: 0.0001pt;">
<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEj8plxcH740tfUhdDPlvwPS50eEe_h2AmraIoW10XwGkOcI5B3F2DRZMPH3avplQtJxiaNG1mvT80_AlHNLHDlKsDHcnyINlS74wtnkRQLLab6svB8rAQ74RciYz8y2PReqUN-mxpQ6ZF8/s1600/Ngulkhanzam+Neihsial.jpg" imageanchor="1" style="clear: left; float: left; margin-bottom: 1em; margin-right: 1em;"><img border="0" height="200" src="https://blogger.googleusercontent.com/img/b/R29vZ2xl/AVvXsEj8plxcH740tfUhdDPlvwPS50eEe_h2AmraIoW10XwGkOcI5B3F2DRZMPH3avplQtJxiaNG1mvT80_AlHNLHDlKsDHcnyINlS74wtnkRQLLab6svB8rAQ74RciYz8y2PReqUN-mxpQ6ZF8/s1600/Ngulkhanzam+Neihsial.jpg" width="187" /></a></div>
A mawlpen a gen in Zomi
leh Siamsinna i chihpen thumal nih “Zomi, Siamsinna”
a kikhen theingei lou diing, Zomi a piangkhe phot a sih dong a
siamsin a thapaai diing a kihi mawk hi. Zomite tu chiang in,</div>
<div class="MsoNormal" style="margin-bottom: 0.0001pt;">
siamsinna tuamtuamte
hangin, a khangtou lellel minam leh tunung a mite theihphak
a suak diing hihang. Tuni a i gen awt noppen siamsinna lam tuamtuamte
lak ah laisiamna ‘education’ ahi.</div>
<div class="MsoNormal" style="margin-bottom: 0.0001pt;">
 </div>
<div class="MsoNormal" style="margin-bottom: 0.0001pt;">
“Ask
me my three main priorities for Government, and I tell you: education,
education and education”. UK Prime Minister lui Pu Tony Blair in
1996 a Labour Party Conference ah, Government a dia</div>
<div class="MsoNormal" style="margin-bottom: 0.0001pt;">
ngaihpoimoh
masak diing thum hong kidong hileh: laisiamna, laisiamna leh
laisiamna, ka chi diing, chi hi. </div>
<div class="MsoNormal" style="margin-bottom: 0.0001pt;">
 </div>
<div class="MsoNormal" style="margin-bottom: 0.0001pt;">
‘’Education
makes a people easy to lead,
but difficult to drive; easy to govern,
but impossible to enslave”-</div>
<div class="MsoNormal" style="margin-bottom: 0.0001pt;">
Lord
Brougham(1778-1868). Hiai bang in gen le, laisiamna in mipite makaih a
awlsam sak a, himahleh pawngpaw kaih bel a haksa; laisiamna in
vaihawmna a awlsam sak in, himahleh sila bang a saltansak ahithei</div>
<div class="MsoNormal" style="margin-bottom: 0.0001pt;">
kei. “Success is the sum of small efforts, repeated day
in and day out”-Robert
Collier in a chih bangin, lohchinna tuh niteng a thilhih neu chikchik
kigawmkhawmte ahi. Laisiamna zong niteng a, school naupangte</div>
<div class="MsoNormal" style="margin-bottom: 0.0001pt;">
in a
zilkhiakte uh kigawmkhawm ahi chileng, kikhial lou diing hi. U.K. Prime
Minister lui Tony Blair in laisiamna (education) apoimohngaih
dan i theihchiat a gintak huai. Khovel a gam tuamtuam vaihawmte
leh a vaihawmdante a hoih leh hoihlou theih awlsamna pen bel
laisiamna a ngaih poimoh uh leh ngaih poimohlouh, ban ah gam khangtou
hihna theihtheihna awlsampen bel laisiamna asan leh niam ah kiteh thei
mawk hi.</div>
<div class="MsoNormal" style="margin-bottom: 0.0001pt;">
 </div>
<div class="MsoNormal" style="margin-bottom: 0.0001pt;">
Tuabang ahihman in, i Zogam leh ei Zomite khangtou in masawn
ni, i chihleh, laisiamna lam hahbawl a i bawl diing uh kisam hi. Pasian
in Zomite minam mangthang diing a hon deihlouh man in, tuisuahgiat
gal panin A mite zang in tangthupha hongpuak in, Zogam ah tangthupha
ziak in laisiamna khuavak ahong tangta hi. Tua hotdamna tangthupha
in a kentel laisiamna’ chii hong kituh in, tua siamsinna hang Siamsin Thugousiah VOL. V (A Golden Jubilee
Publication of SSPP JHQ,Shillong) 7ZOMI leh SIAMSINNA in Pasian
in ninam dangte toh tan kikim diing in, khantouhna kalbi hong</div>
<div class="MsoNormal" style="margin-bottom: 0.0001pt;">
bawlsak
hi. Bangziaka
ei Zomite a diing a laisiamna huchitel a poimoh a khantouhna kalbi ahi,
chi i hi hiam? Laisiamna tellou in i kiim leh paam a namdangte toh tan
kikim zoulou diing hihang. Ahangbel, i pianna gam, Zogam pen neu mahmah
in, kiphelkhap zaw mah in kumpi vaihawmna tuamtuam opkhum in
a îò. I suan mahmah Gullu Mual ah ngensiikte lah eite khut a lutlou in
Kawlgam Vaigam leh Sen gamte ah kipawmang zaw mah diing hi. I
Zogam a luiluangte; Gun, Tuivai leh Tuiluang chihdong in buh leh baal chiin
theihna diing leh pianna diing luiphai chihtaak om mahmah lou hi. Ka
gam ah loukhou in neek leh taak zong ning chi in kikhual sawm leh
zong hithei mahmah lou,
zoudawn ah Singpi, Apple,
Coffee, adg adgte chiing ni
chi leh zong hithei vek het
lou diing. I teenna gam apat a
zuakkhi akna diing
market l e h puakkhiakna
diing lampi</div>
<div class="MsoNormal" style="margin-bottom: 0.0001pt;">
kichian om
mahmah lou a, sepman leh puakkhiakna nithate hisap in a met diing
bangmah zah om lou. Huchi kal ah, i sepsung a neek diing kibuai zel
a, gilkial dangtak kawm a kum 10/20 a diing bangmah ki-plan</div>
<div class="MsoNormal" style="margin-bottom: 0.0001pt;">
thei lou.
Sorkar in a bui hongpat pih a a pichin dong hong huhden ahihngal kei leh,
tua bang di’n lah Zogam Government, mahni thu a kivaihawm thei i
hihngal kei leh ngaihtuah phak diing hilou.</div>
<div class="MsoNormal" style="margin-bottom: 0.0001pt;">
 </div>
<div class="MsoNormal" style="margin-bottom: 0.0001pt;">
Zomite
teenna gam; Manipur South District, Chin Hills a Tonzang leh Teddim
Township leh Mizogam a biiktak in Champhai District chihte i etvel
chiang in, lou neihna lam ah 100 ah 95 te singtang louvat, louhal,</div>
<div class="MsoNormal" style="margin-bottom: 0.0001pt;">
loukhoh
(Shifting cultivation) ah i pipute apan tuni dong ana kinga lailaite hihang.
Tua neekzonna in hauhsakna genlouh kum khat sunglel neek diingle hon
pe zoulou hi. Tua ban ah singtang dawn a khosa leh Chin</div>
<div class="MsoNormal" style="margin-bottom: 0.0001pt;">
State sung
a Tonzang leh Teddim kuam ah i Zomipihte a neihzaw deuh leh khota
pan khopi zuan a peem zoute pen Bawng leh Sial zuak diing a neite ana
hi ua, milip in tua bang in gan kinei sam lou hi. I gam sung</div>
<div class="MsoNormal" style="margin-bottom: 0.0001pt;">
luiluangte
; Gunlui, Tuivai leh Tuiluang dong in luipiau buh leh bar pianna
ding chihtham om mahmah lou in, a luitui luangte zaila oih siam mahle uh,
a guamte thuk chihtak a thuk in, leh luiphai buh leh baal chiin theihna
diing lianlou om sunsunte zong luituite apan chawmtheih diing vual
hilou.. Guun lui leh Tuivaite Zogam a dia poimohte hi ua, Khuga (Tuitha)
luiphai bang a buh leh baal chiin theihna diing ana nei lou ua, Zomite
vangtah mahmah suak hi. Laisiamna
leh laipilnate ziak in Zogam ah khantouhna bangzah hiam a tung
chileng kikhial lou hi. Zomite khovel mun tuamtuam ah neek leh taak zong
in, laisiamnate ziak in, Kawlgam Vaigam ah tampite kikhosa hi. Mite
gam pen, ka tunnu Zogam aw chi a zaila i oih oih sang mah in</div>
<div class="MsoNormal" style="margin-bottom: 0.0001pt;">
ana nuam
zaw pianthei mawk hi. Tua ahihmanin, laisiamna hahbawl in, kawi mun
kawi gam ah, siamna leh neek leh taak zong peih leng, nam khangtou
kisuak thei pan diing hi. Mahni khua leh veng kia a neek leh</div>
<div class="MsoNormal" style="margin-bottom: 0.0001pt;">
taak zon
leh muh theih i sakkhak a, mun dang leh gam dangte a sep diing leh neekzonna
limchi taktak om hina pi a i na ngaihsak kei leh kisu khial mahmah
diing hi. Unau Khasi leh Garo lamte amau state pawtsan nuam lou in,
Central Government leh a tuamtuamte a service hoih taktak mu hile uh
zong, sem nuamlou in, tuni chiang in khangthakten pawi zong sa mahmah
uhi. Tua bangmah in, Mizogam ah mun dang a service nei a kuankhiak
diing ut louhna lungsim ana omta in, laisiam kumteng in, sang tampi
tak University tuamtuam apan ahong pawtkhiak chiang in, educated
unemployment bang ahihke’h Graduate khat a kituahpih a</div>
<div class="MsoNormal" style="margin-bottom: 0.0001pt;">
siamna
kituaklou niam zaw service a bawl ngaita chihte a buaina uh hong hi
panta. Hilehzong, a kibawltheinawn lou tampi omta hi. Manipur lam apan
Zomite pen India khopi tuamtuam ah service nei a, Office tuamtuam a
i om vengvung takchiang un, hihfuh hong sapian ua, tu chiangchiang
in, enhuai hon sa mahmah uh. Eite lah, i pianna gam State in a
zillouh ziak a, Delhi khawpi khawnga a niampen hilezong sem dia kuankhiak
ngai ana hihziak hiven, vangtah tuh hi. Himahleh, hampha</div>
<div class="MsoNormal" style="margin-bottom: 0.0001pt;">
leh Dawi Havang Kal a suakta
kihi veve.<o:p></o:p></div>
<div class="MsoNormal" style="margin-bottom: 0.0001pt;">
 </div>
<div class="MsoNormal" style="margin-bottom: 0.0001pt;">
I gentaksa
mahbang in, Chin state leh Manipur a Zomi khosate sang in Mizogam ah
Zomite hamphatna lian zaw. Galmuanna leh Government hoihziak
in, neek leh taak zonna a baihsam ban ah, siamsin naupangte a</div>
<div class="MsoNormal" style="margin-bottom: 0.0001pt;">
din
electric sun leh zan in vak a, laisiamna iunggulh taktak a, pilna zong a dangtaak
taktakte a din khankhiatna mun suakthei hi.Huchi ahihman in, Aizawl
leh Champhai khawng a khosaten a hamphatnate uh thei in,</div>
<div class="MsoNormal" style="margin-bottom: 0.0001pt;">
nakpitak a
hanchiam le uh achih huai
mahmah. Government
hoihnate i nam khantouhna
dia zang diing in,
laisiamna hah zon in zong le
uh, Mizogam ah leng kihih
fuh mahmah diing hi. Khangthakten
laisiamna</div>
<div class="MsoNormal" style="margin-bottom: 0.0001pt;">
ahon
pibawl chiang un, midangte
simmoh leh nelhsiah a ki-om lou dia tua laisiamna ziak in, I khua leh
veng, gamsung vaihawmnate awlsam in hong nuam dia, mite ut leh dah a
talkaih theih in i omsam kei diing a zalen tak in i khosa thei diing hi.
Khangthakte’n i lungsim neusak louin i puanbuk kaipalh ni hang.
Siamsinna lam Education ah nasa tak in panla thak ni. </div>
<div class="MsoNormal" style="margin-bottom: 0.0001pt;">
 </div>
<div class="MsoNormal" style="margin-bottom: 0.0001pt;">
I tuun leh zua
lungmawl in, Pianna gam gia bang zuun din, sen vontawite honngak
uh, Sin in, Sem in, Gia bang zuun - Pu Jelshyam IAS.</div>
<div class="MsoNormal" style="margin-bottom: 0.0001pt;">
<div class="separator" style="clear: both; text-align: center;">
 </div>
Thukhitna:
Nu leh pate’n I theihsa himahleh, ngaihtuah khawm thak ni. I singtang
khosakna, ahaksa mahmah. Neek leh taak, silh leh teen leina diing leh
dawmdawi man diing leng I neizou ngei kei. I louma ah leng ni dang bang
in I lohchiang zou kei. I tate laisimna diing ngaih tuah louh theihiouh
a, ! ngaihtuah a Iah I singtang schoolte ni dang bang a kai theihna
diing omnawn lou mawk. Lamka leh khopi dang naih dia Iah sumnei lou
mipa minu kihi zel. Sum nei chita tawk lengle, I tate neu lawlai, mi
kiang peuh kikoih khengam sam lou. Ahihkeh, singtang lou mah, khou
diing leh pibawl diing maw? Naupangte le kuamah loukuan ut omnawn
lou ahihchiang in khang sawnsawn a kinepna ding om mahmah lou. Kumpi
ten LP School, Jr H/S, H/S tanpha hon koih a, huaiten koilam a hon pai
mangsanta uh a hia? Huaite samkik (tung ding thak) diing in pania thak
ni hang. I schoolte i tun ding thak theih mawk in chu, I tate tuten,
sumtawm chik lahmah sen in, laisiamna hon neithei diing uhi. Huaiziak
in, ! khua !eh I gam in apoimoh penpente, thum (3) gen in, chin kidong
lehang, a tamzawte’n khatna ah: laisiamna, nihna ah- laisiamna, thumna
leng laisiamna, chi a hon dawn uh ka gingta. Sin a sem diing leh juun diing
in laisiamna mah poimoh. I innsung a khantouh a a changkan na diing in, laisiamna, I khua a khantouh
na diing in laisiamna mah, I gam leh nam khantouh na diing in Laisiamna mah
poimoh zel hi hang.</div>
</div>

ZOMI leh SIAMSINNA ~~ Ngulkhanzam Neihsial

A mawlpen a gen in Zomi leh Siamsinna i chihpen thumal nih “Zomi, Siamsinna” a kikhen theingei lou diing, Zomi a piangkhe phot a sih d...

05:57

Birthday -Jimmy KaikhanmangGuite

Guite Road tawn a Mizoram ka zinna ~~ - Songsawmlian Tonsing

ZOMI leh SIAMSINNA ~~ Ngulkhanzam Neihsial

Popular Posts

Comments

Blog Archive

New Delhi